ਉਨੀਵੀਂ ਸਦੀ ਦੇ ਫਰਾਂਸ ਦੇ ਵਿਸ਼ਵ ਪ੍ਰਸਿੱਧ ਲੇਖਕ 'ਬਾਲਜਾਕ (Honore de Balzac) ਦਾ ਜਨਮ 1799 ਵਿੱਚ ਫਰਾਂਸ ਵਿੱਚ ਹੋਇਆ ਸੀ। ਉਸਦੇ ਨਾਵਲ 'ਓਲਡ ਗੋਰੀਓ' ਨੂੰ ਵਿਸ਼ਵ ਦੇ ਚੋਟੀ ਦੇ ਨਾਵਲਾਂ ਵਿੱਚ ਗਿਣਿਆਂ ਜਾਂਦਾ ਹੈ। ਇਸ ਦੀ ਕਹਾਣੀ ਪੈਰਿਸ ਸ਼ਹਿਰ ਦੇ ਇੱਕ ਪੱਛੜੇ ਇਲਾਕੇ ਤੋਂ ਸ਼ੁਰੂ ਹੁੰਦੀ ਹੈ, ਜਿੱਥੇ ਇਕ ਬਿਰਧ ਆਸ਼ਰਮ ਵਿੱਚ ਕੁਝ ਲੋਕ ਰਹਿੰਦੇ ਹਨ। ਇਨ੍ਹਾਂ ਵਿੱਚ ਇੱਕ ਬਜ਼ੁਰਗ 'ਗੋਰੀਓ' ਵੀ ਹੈ ਜੋ ਕਿ ਨਾਵਲ ਦਾ ਮੁੱਖ ਪਾਤਰ ਹੈ। ਇਸ ਬਿਰਧ ਆਸ਼ਰਮ ਦੇ ਪਾਤਰਾਂ ਰਾਹੀ ਬਾਲਜ਼ਾਕ ਨੇ ਮਨੁੱਖੀ ਜੀਵਨ ਨੂੰ ਬਹੁਤ ਹੀ ਖੂਬਸੂਰਤ ਢੰਗ ਨਾਲ ਪੇਸ਼ ਕੀਤਾ ਹੈ। ਇਨ੍ਹਾਂ ਪਾਤਰਾਂ ਦੇ ਸੁਭਾਅ, ਆਦਤਾਂ ਅਤੇ ਬੋਲਚਾਲ ਇੰਨੀ ਬਾਰੀਕੀ ਨਾਲ ਪੇਸ਼ ਕੀਤੀ ਹੈ ਕਿ ਪਾਤਰ ਸਾਨੂੰ ਸਾਡੇ ਸਾਹਮਣੇ ਖੜ੍ਹੇ ਪ੍ਰਤੀਤ ਹੁੰਦੇ ਹਨ।
ਬਾਲਜ਼ਾਕ ਕੋਲ ਸਮਾਜ ਨੂੰ ਦੇਖਣ ਅਤੇ ਲੋਕਾਂ ਦੇ ਵਿਹਾਰ ਨੂੰ ਸਮਝਣ ਲਈ ਬਹੁਤ ਹੀ ਪਾਰਖੂ ਅੱਖ ਸੀ ਅਤੇ ਇਸ ਸਭ ਨੂੰ ਬਿਆਨ ਕਰਨ ਲਈ ਬਹੁਤ ਹੀ ਅਰਥ ਭਰਪੂਰ ਭਾਸ਼ਾ ਵੀ ਸੀ। ਇਸ ਕਰਕੇ ਸਿਰਫ ਉਸਦੇ ਨਾਵਲ ਨੂੰ ਹੀ ਨਹੀਂ ਸਗੋਂ ਉਸਨੂੰ ਵੀ ਕਲਾਸਿਕ ਲੇਖਕ ਵਜੋਂ ਸਨਮਾਨ ਮਿਲਿਆ। 1850 ਵਿੱਚ ਬੇਸ਼ੱਕ ਬਾਲਕ ਸਾਡੇ ਕੋਲੋਂ ਸਰੀਰਕ ਤੌਰ ਤੇ ਵਿੱਛੜ ਗਿਆ ਪਰ ਆਪਣੇ ਵਿਸ਼ਵ ਪ੍ਰਸਿੱਧ ਨਾਵਲ 'ਓਲਡ ਗਰੀਓ' ਕਰਕੇ ਉਸ ਨੂੰ ਰਹਿੰਦੀ ਦੁਨੀਆ ਤੱਕ ਯਾਦ ਕੀਤਾ ਜਾਂਦਾ ਰਹੇਗਾ।
-ਜੰਗ ਬਹਾਦੁਰ ਗੋਇਲ